Government shutdown, tapos na

NILAGDAAN na ni U.S. President Donald Trump ang panukalang-batas na hudyat para tapusin na ang temporary shutdown sa federal government offices sa U.S.

Unanimous ang pagpasa sa bill ng mambabatas ng dalawang Kongreso ng Amerika.

Bumigay umano si Trump sa kanyang pagmamatigas na isantabi ang kanyang hiling na pondo na $5.7 billion para sa pagpapatayo ng border sa bahagi ng Mexico.

Ayon kay Trump, nais niyang maalagaan ang mga tao na naapektuhan at nasaktan sa pinakamahabang shutdown sa kasaysayan ng bansa.

Samantala, magpupulong ang mga lider ng Kongreso upang talakayin ang petsa ng gagawing State of the Union Address ng presidente.