Pulis binentahan | BEBOT TIMBOG SA DROGA

ISANG babaeng drug pusher na nasa drug watch list ang naaresto matapos magbenta ng shabu sa pulis sa buy-bust operation sa Na­votas City, kahapon ng ma­daling-araw.

Kinilala ni Navotas Po­lice Station Drug Enforce­ment Unit (SDEU) Head PCI Ilustre Mendoza ang na­arestong suspek na si Lea Rodriguez, 41, ng Bgy. San Jose.

Ayon kay PO2 Jaypee Ma­ñalac, ala-1:00 ng mada­ling-araw nang ikasa ng mga operatiba ng SDEU sa pa­ngunguna ni PCI Mendoza ang buy-bust operation kon­tra sa suspek sa Bagong Silang St.

Nagawang makabili sa suspek ni PO1 Bryan Greg Calixto na nagpanggap na poseur-buyer kapalit ng P300 marked money at nang sumenyas ito na nagkaabu­tan na agad lumusob ang back-up na mga operatiba at inaresto si Rodriguez.

Bukod sa buy-bust mo­ney at nabiling shabu, na­kumpiska pa sa suspek ang isang plastic sachet ng hi­nihinalang shabu at buy-bust money habang inaalam pa ng pulisya kung saan kinukuha ni Rodriguez ang ibiniben­tang iligal na droga.