Pahiwatig na matutuloy ang pagpunta sa Korea

Socrates Magnus

Salaminin natin ang panaginip ni Ikaw Lang ng Ikaw_Lang_At_ Ako @facebook.com

Dear Professor,

Ano ang ibig sabihin ng panaginip ko na ini­hatid daw ako ng asawa ko sa airport, tapos, pag­bukas ko ng pintuan sa airport ay Korea na raw ang labas nito. Kaya lang, ipinasa­rado ko raw kaagad ang pinto dahil malamig?

Ano ang ibig sabihin nito, may koneksiyon kaya ito sa plano kong pag-a-abroad?

Sa ngayon ay hinihin­tay ko pa ang visa ko pa­puntang Korea. Matutu­loy kaya ako?

Naghihintay,

Ikaw Lang

Sa iyo Ikaw Lang,

Yes, matutuloy ang pag-a-abroad mo sa Korea at ang masayang balita mula sa iyong panaginip ay hindi lang isang beses ka mag­kapag-a-abroad, kumbaga, marami at pabalik-balik ka sa iba’t ibang bansa.

Ang hindi gaanong ka­gandahang balita ay nag­sa­sabing, maho-homesick ka, pero makakayanan mo rin ito.

Ang payo mula sa iyong panaginip ay nagsa­sabing, mag-ipon ka nang sa ga­yun ay magawa mo ang iyong pangarap na maka­bili ng mga lupain.

Narito ang babala mula sa iyong panaginip na nag­sasabing, kung mawa­wala ang ningas ng iyong mga pangarap, puwede kang matulad sa “legen­dary stone that keeps on rolling but gather moss”.

Maraming ganu’ng Pinoy na panay ang punta sa abroad, pero wala na­mang nakuha sa pag-a-abroad, kumbaga, kahit kaunting lumot o moss ay walang naipundar.

Kaya muli, ang sikreto para gumanda ang iyong buhay ay kailangan mong mapanatili ang ningas ng iyong mga pangarap na nag­sasabi na ang masa­sayang kaganapan ang kadalasang pumapatay sa alab ng pagnana­sang ma­tupad ang mga pangarap.

Hanggang sa muli,

Professor Seigusmundo del Mundo