13 yrs. old ni-rape ng 14-anyos

NADAKIP ng Manila Police District-Baseco Police Community Precint ang 14-anyos na binatilyo matapos ireklamo ng panggagahasa sa 13 taong gulang na dalagita, kamakalawa ng hapon sa Port Area, Manila.

Ayon sa reklamo ni ‘Ag­nes’, naganap umano ang panghahalay sa kanya ng suspek noong Lunes, alas-8:00 ng gabi sa isang madilim na bahagi sa Baseco.

Kasama umano ng bik­tima ang kanyang mga ka­ibigan nang tawagin ng sus­pek sa pag-aakalang may sasabihin lamang sa kanya.

Lumapit ang suspek at niyaya siya na maglakad pero, pagdating sa madilim na ba­hagi, rito na siya umano hinalay ng binatilyo.

Nagbanta pa umano ito na sasaktan siya kapag nag­sumbong sa kanyang mga magulang.

Hindi agad nakapagsum­bong ang bata sa kanyang mga magulang, gayunman dahil sa takot na muling pag­sa­mantalahan ng suspek ay napilitan itong ipagtapat sa ina ang ginawa ng binatilyo.

Dahil dito, agad nagtu­ngo sa presinto ang nanay ng biktima at inireklamo ang ginawa ng binatilyo sa anak.

Ayon kay Supt. Igmedio Bernaldez, ini-inquest nila ang binatilyo sa Manila Prosecutor’s Office para sa kaukulang ebalwasyon sa kaso at nakatakdang dalhin sa Department of Social Welfare and Development (DSWD) ang suspek.