‘Di raw mag-eendorso | CBCP, MAGBIBIGAY NG GABAY SA MGA BOTANTE

MULING iginiit ng Ca­tholic Bishops’ Conference of the Philippines (CBCP) na hindi sila mag-eendorso ng kandidato para sa mid­term polls sa Mayo.

Ito ang inihayag ni CBCP Secretary General Father Marvin Mejia, kasu­nod ng gagawing Plenary Assembly ng mga opisyal ng Simbahan sa Pope Pius XII Catholic Center sa Paco, Manila simula ngayong araw, Enero 26 hanggang Enero 28.

Ayon kay Mejia, maa­aring sa nakalipas ay may Obispo na nag-endorso pero, ang konseho ay hindi kailanman nag-endorso.

“Individual bishops en­dorsed in the past…but the conference, no,” pahayag ni Mejia.

Kabilang pa sa mga ta­talakayin sa Plenary Assem­bly ang mga isyu na karani­wang isinasangguni sa kanila ng mga botante tuwing pa­nahon ng halalan.

Inaasahang maglalabas ang CBCP ng pahayag na si­yang magsisilbing ga­bay ng mga botante.

Noong 2016 Presidential Elections, ipinanawagan ng CBCP, partikular noon ni CBCP President Archbi­shop Socrates Villegas sa mga Ka­toliko na huwag ibo­to ang mga corrupt at mga nabi­bilang sa political dy­nasties.

Umapela naman si CBCP President Davao Archbishop Romulo Val­les sa mga deboto na ipag­dasal sila sa gagawing as­sembly.