Para sa mga mamshie natin diyan na nagkakasugat-sugat na ang mga kamay sa kakakusot, read n’yo ‘to!

NO PROBLEM

MATAPANG na amoy ang ating nalalang­hap sa tuwing nagta­tang­gal tayo ng mantsa sa ating mga damit kung saan mahap­ding ka­may din ang nakukuha natin dahil sa mataas na bilang ng kemikal na mayroon ang bleach.

Pero mga mamshie, dehins na ninyo kaila­ngang magdusa sa pagtatanggal ng mga mantsa dahil narito na ang ilang alternatibong paraan para mas ma­bilis at hindi masakit ang pagtatanggal ng mantsa sa mga damit:

1. MILK. Mabisa itong pantanggal ng mantsa ng tinta sa mga de-kolor na mga damit. Para gamitin ito, magdamag na ibabad ang bahagi ng damit na namantsahan, pagka­tapos ay labhan ang damit tulad ng regular na paglalaba rito. Easy lang, ‘di ba?

2. ARTIFICIAL SWEETENER. Kung natalsikan ang iyong damit habang nagluluto, don’t worry, mga beshy! Upang magawa ito, kumuha lamang ng artificial sweetener at ilagay ito sa bahagi ng damit na namantsahan. Ang pinong powder ang mag-a-absorb sa man­tsa na nasa damit.

3. HAIR SPRAY. Dahil sa alkohol na taglay nito, epektibo itong pantanggal ng tinta sa mga damit, ngunit, ayon sa mga eksperto, hindi lahat ng hairspray ay magkakapareho ng alcohol content. Ga­yunman, upang gamitin ito, i-spray lamang ito sa damit, partikular na sa parte na nalagyan ng mantsa. Okay ba?

4. TOOTHPASTE. Keri itong pantanggal ng mantsa sa mga damit na nasulatan ng ballpen. Bagama’t, hindi 100 porsiyen­tong sigurado ang paggana nito dahil nakadepende ito sa uri ng tela ng damit, pero, why not na subukan pa rin para dehins masa­yang ang damit, ‘di ba? Upang magawa ito, kumuha ng non-gel toothpaste at ilagay ito sa apektadong bahagi ng damit at kuskusin.

5. BREAD. Talaga? Paano? Kunin ang git­nang bahagi ng tinapay at bilugin ito. Ikuskos ito sa bahaging naman­tsahan hanggang sa matanggal ang dumi sa tela. Pagkatapos nito, banlawan ang damit, gayundin, puwede itong pantanggal ng marka ng lipstick. Bongga!

6. VINEGAR. Lu­mang mantsa? No problem! Kumuha lang ng paper towel at lagyan ito ng suka, idampi sa apektadong bahagi ng damit at labhan ito kaagad tulad ng regular na paraan ng paglalaba.

7. COLA. Hindi lang ito inumin, lodi! Mabisa itong pantanggal ng dugo sa mga damit. Para gamitin ito, ibabad nang magdamag ang parte ng damit na naman­tsahan at labhan ito tulad ng regular na paglalaba. Gayundin, epektibo itong pan­tang­gal ng hindi ma­gandang amoy sa mga damit.

Mga lodi, beshy at mamshie, kung nagha­hanap kayo ng “go-to” o alternatibong pan­tanggal ng mga man­tsa, eh, siguradong ito na ang solusyon ninyo para r’yan.

Pero, ang paalala lang natin, kung ayaw maperhuwisyo, eh, mag-ingat sa pagkilos nang sa gayun ay ma­iwasan natin ang pag­ka­karoon ng mantsa sa ating mga damit.

Gets mo?