“TATLONG LABAN PA KAY PACMAN, PAGKATAPOS RETIRED NA”-BUBOY

MAGRERETIRO na raw ayon sa head trainer na si Buboy Fernandez ang kababata niyang si Senador Manny Pacquiao pagkatapos ng tatlo pang sunod na laban. “Three fights and that’s it,” saad ni Fernandez. “He has nothing more to prove.” Ito ay matapos dominahin ni Pacquiao si Adrien Broner noong Linggo sa PHL time sa MGM Grand Garden, Las Vegas, Nevada at napanatili ang kanyang WBA welterweight title.

Kayang-kaya pa umano ni Fernandez na sagupain ang tatlo pang malalaking pangalan sa welterweight division, pero hindi rin maialis kay Buboy ang mag-alala at delikado na rin sa eight-division world champion.

“There are many young and skillful fighters coming up, and all of them are hungry (for recognition). We shouldn’t wait for them to catch up,” aniya sa lumabas na panulat ni Roy Luarca.

Samantala, kaya raw ayaw lumaban ni Floyd Mayweather, Jr., ay dahil hindi nito ma-reach ang level ni Pacman. Mukhang ginagamitan na ni Manny Pacquiao ng reverse psychology ang panghahamon niya kay Floyd Mayweather Jr. upang lumabas na ito sa lungga ng pagreretiro.

Pumuwesto pa sa unahan ng upuan sa audience si Mayweather nang saksihan ang unanimous-decision victory ni Pacman kontra Adrien Broner noong Linggo na nagdulot ng espekulasyon para sa rematch nina Mayweather at Pacquiao.

Sa panayam ng Sports Illustrated ni Chris Mannix, sinabi ni Pacquiao na mainam nang pangatawanan nito ang pagreretiro at huwag nang sasampa pa sa ring kung hindi rin niya tutugunin ang paghamon ni Pacman sa rematch.

“He came into my dressing room before, said good luck. I’m still here in boxing. I want to fight the best fighters out there. If he cannot fight on my level, he better stay retired.”

Sa post fight press conference nang talunin si Broner, sinabi ni Pacquiao sa reporters na talagang atat siya sa rematch kay Mayweather, pero malamig ang sagot dito ni Mayweather Promotions CEO Leonard Ellerbe.

“He’s retired,” saad ni Ellerbe hinggil kay Mayweather. “He has no interest in doing that. It’s not always about the money, believe it or not. What more can the man do? He doesn’t have the motivation, the desire. He’s living his best life, traveling, running his multiple businesses, spending his hard-earned winnings.”

Mariing idinugtong ni Ellerbe na sapat na iyong kinita ng kliyente niya noon sa PPV kay Pacquiao. Tinalo na rin niya ang Pinoy noong Mayo 2015 at doon pa nagkapinsala ang balikat ni Pacman.

Walang naging laban si Mayweather mula noong Agosto 2017 mula nang talunin niya si UFC star Conor McGregor. Kumita naman siya ng $9-M nang patumbahin si Tenshi Nasukawa sa first round ng three-round exhibition noong Bisperas ng Bagong Taon. Nabanggit ni Pacquiao kay Mannix na pakay niyang magkaroon ng laban sa Mayo o Hunyo. (MC)