Malinaw ayon sa palad... lalaking nakatakdang makatuluyan ang babaeng iniwan ng asawa

Maestro Honorio Ong

KATANUNGAN

1. May kinakasama ako ngayong babae na halos ka­edad ko rin, pero hiwalay na siya sa kanyang asawa dahil nang mag-abroad ang mister niya ay hindi na ito bumalik pa.

2. Hindi na kaya talaga babalik ang kanyang mister?

3. At siya na ba ang ba­baeng nakaguhit sa aking mga palad na maka­ka­sama ko, habambu­hay?

4. May asawa rin ako dati, pero nagka­hiwalay din kami at may sarili na siyang pamilya ngayon. Kaya gusto ko na ring ma­ayos ang buhay ko at magkaroon ng sari­ling pa­milya. Matutu­pad kaya ang panga­rap kong ito?

KASAGUTAN

1. Ibig sabihin, magkapa­reho kayo ng kapalaran ng ka­salukuyan mong kinakasama dahil kapwa hiwalay na kayo sa asawa at hindi sinasadyang pi­nagtagpo kayo ng tadhana.

2. Salamat at naging ma­linaw ang ikalawang Marriage Line (Drawing A. at B. 2-M arrow a.) sa kaliwa at kanan mong palad. Ito ay tanda na sa ikalawang pag-aasawa, magi­ging permanente na ang nasabing relasyon at posible ngang sa ikalawang pag-a­asawang nabanggit ay maga­nap na ang panghabambuhay at masayang pagsasama na inilarawan matapos magkaroon ng bilog at malaking Heart Line (Drawing A. at B. h-h arrow b.) sa kaliwa at kanan mong palad. Ang nasabing guhit ng dam­da­min o Heart Line (Drawing A. at B. h-h) ay muling nabuo at gumanda mula sa gitna hang­gang sa dulong bahagi (arrow c.). Ibig sabihin, sa edad mong 43 pata­as, tiyak ang ma­ga­ganap, sa ikala­wang pag-aasawa tu­lad ng naipaliwanag na, may pangako ng isang maligaya at pang­habambuhay na pa­milya.

DAPAT GAWIN

Habang, ayon sa iyong mga datos, Rico, nakatakda na ang maga­ganap, wala kang dapat ikata­kot sapagkat ang babaeng ka­salukuyan mong kinakasama ang siya na ngang nakatakda mong makapiling sa pagbuo ng ika­lawa, mas masaya at pang­habambuhay na pagpapamilya.