GYMNAST YULO, HINAHASA BILANG PAMBATO SA SEAG

LABING-ISANG gold medal, pito mula kay 2018 World Artistic Gymnastics bronze medalist Carlos Yulo ang nasa isipan ng Gymnastics Association of the Philippines na masusungkit nito sa 30th Southeast Asian Games.

Higit iyan sa kalahati ng kabuuang 19 na golds na nakataya sa gymnastics sa biennial competition na nakaiskedyul sa Nob. 30-Dec. 11 sa Manila at satellite venues sa Clark, Subic, Cavite at Batangas.

Ayon kay GAP president Cynthia Carrion, “If things turn out as planned, we’re good for 11 out of 19 events to be disputed in the SEA Games, ani Carrion sa 6th “Usapang Sports” nang maging panauhin ng Tabloid Organization in Philippine Sports (TOPS) sa National Press Club sa Intramuros noong Huwebes.

“And Caloy (Yulo) is good for seven golds,” dagdag ni Carrion na pinangunahan ang women power-inspired sports session.

Binanggit ni Carrion si Yulo, na naging “Poster Boy” ng Philippine gymnastics matapos pagwagian ang bronze medal sa floor exercise ng 2018 World Artistic Gymnastics Championships sa Doha, Qatar.

Si Carrion na miyembro rin ng board ng Philippine Olympic Committee (POC) ay nagsabing naghahanda rin ang GAP sa extensive training program upang mahasa pa nang husto si Yulo.

“He’s ready and his training under his Japanese coach is getting better and better. He’s better than last year’s Asian Games, physically and mentally,” paliwanag ni Carrion.

“Aside for the SEA Games, GAP is already preparing a program for Yulo for his participation in tournament abroad all with ranking points so he can qualify for the 2020 Tokyo Games.”