1,757 pasahero stranded kay bagyong Amang

UMABOT sa 1,757 pa­­­­­sahero ang na-stranded sa iba’t ibang daungan sa Cen­tral Visayas, Northern Min­danao, Eastern Visayas at Southern Visayas dahil sa Bagyong Amang.

Sa pinakahuling monito­ring ng Philippine Coast Guard na inilabas alas-12:00 ng tanghali kahapon, bukod sa mga na-stranded na pa­sahero, may 347 rolling car­goes, 55 vessels at 11 motor­bancas ang stranded sa lu­gar.

Inabisuhan ng PCG ang lahat ng Coast Guard Station ng mga apektadong lugar na istriktong ipatupad ang Me­morandum Circular Num­ber 02-13. Gayunman, sa san­daling gumanda na ang pa­nahon ay agad paglalayagin ang mga pinigil na pasahero at mga barko.

Nabatid na nagbago ng direksiyon ang Bagyong Amang na patungo na sa Leyte-Samar area, kahapon.

Itinaas naman ng PAG­ASA ang Tropical Cyclone Warning Signal (TCWS) No. 1 sa Eastern Samar, Samar, Biliran, Leyte, Southern Ley­te, Eastern Bohol, Northern Cebu, Surigao del Norte at Dina­gat Islands.

Alas-7:00 ng umaga, hu­ling namataan ang Bagyong Amang sa bisinidad ng Gui­uan, Eastern Samar dala ang lakas ng hangin na aabot sa 45 kilometers per hour ma­lapit sa gitna at bugsong 60 kilometers per hour.