Nagbenta ng pekeng ID, ticket sa sinulog parade, kulong

TIMBOG ang isang la­laki na uma­no’y nagbe­benta ng pekeng IDs at com­plimentary tickets para sa Sinulog Grand Parade sa Cebu City Sports Center ka­hapon.

Kinilala ang suspek na si Hannibal Socorro. Ayon kay Senior Supt. Royima Garma, naaktuhan ng mga pulis si So­corro na nagbebenta ng mga pekeng ID at ticket na nagkakaha­lagang P700 hanggang P800 bawat isa.

Gayunman, sa nasabing report, ang le­hi­timong tiket sa parada ay P1,000 hang­gang P3,000.

Nakuha umano ng sus­pek ang mga pekeng tiket sa isang hindi pinangala­nang source sa halagang P500 ba­wat isa.