Tserman niratrat, utas

PATAY ang isang barangay chairman nang pagbabarilin ng hindi pa nakikilalang salarin na sakay ng motorsiklo sa Bgy. La Fuente, Nueva Ecija, kamakalawa ng gabi.

Nakilala ang biktima na si Rene Sebastian, 62, chairman ng Bgy. La Fuente.

Batay sa inisyal na imbestigasyon, nakaupo ang biktima sa terrace ng bahay na pag-aari ni Marlon Adriano kasama ang 5 iba pa at dito na binaril nang malapitan ng suspek.

Agad namang naisugod ang biktima sa isang ospital sa Cabanatuan City pero, idineklara itong dead-on-arrival.

Patuloy pang sinisikap ng mga pulis na tukuyin ang pagkakakilanlan ng mga suspek at kung ano ang motibo sa pagpaslang.