Dagdag-presyo sa gas, non-stop

ASAHAN na ang oil price hike sa susunod na ling­go na magiging epektibo sa Martes.

Base sa kompyutasyon, maglalaro sa P0.30 hang­gang P0.40 kada litro ang itataas sa presyo ng diesel at P0.10 hang­gang P0.20 na­man sa kerosene.

Samantala, posibleng ma­pako sa dating presyo o tu­maas lang ng P0.10 kada litro ang presyo ng gasoline.

Ito na ang ikatlong sunod na linggo na may dagdag-presyo sa petrolyo kasunod ng desisyon ng Organization of Pet­ro­leum Exporting Countries (OPEC) na mag­bawas ng pro­duksiyon ng langis.

Sa datos ng Department of Energy, mahigit 1,000 mula sa kabuuang 8,600 gas sta­tions pa lang ang nagpatupad na ng mas mataas na fuel excise tax alinsunod sa Tax Reform for Acceleration and Inclusion (TRAIN) Law.

Sa ilalim nito, magkaka­roon ng mahigit P2 kada litro na patong sa presyo ng die­sel at gasolina.