Albularyo na hindi makapagpagaling

Socrates Magnus

Salaminin natin ang panaginip ni Lo­libee ng Lolibee_Bue­na@facebook.com

Dear Professor,

Ano ang ibig sabi­hin kapag nanggaga­mot ka sa panaginip? Albularyo raw ako, tapos mayroon akong ginagamot. Kaso ‘yung idinarasal ko ay mali, kulang-kulang kaya hin­di ko mapagaling ‘yung ginagamot ko.

Naghihintay,

Lolibee

Sa iyo Lolibee,

Nakatutuwa ang pa­naginip mo dahil bihi­rang mapanaginipan ang pagiging albularyo.

Pero, sa totoo lang, hindi mahirap paniwala­an na ang mga “bulong”, orasyon o dasal ay su­masablay din dahil akala ng albularyo, ang dasal niya ay Latin, pero ang totoo, hindi ta­laga La­tin ang kanyang mga bu­long. Ito ang ma­laking pagkakamali ng mga Pinoy.

Kapag ang dasal ay hindi galing sa sina­unang Kristiyano, sure na sure na ito ay hindi Latin da­hil ang wika na ginamit ni Kristo sa pagtuturo sa mga tao ay wikang Ara­mayko at ang iba pa ay wikang Griyego. Kaya paano naging Latin ang wikang Aramayko at Griyego?

Kapag ang dasal o orasyon ay galing sa re­lihiyong Hinduism, hin­di ba, ang dasal ay hindi Latin kundi wikang gi­nagamit ng mga Hindu? Lalo na ang dasal mula sa China, tiyak na hindi ito Latin.

Dahil sa maling akala ng mga albularyo tung­kol sa ginagamit nila, hindi nakapagtataka kung walang bisa ang mga ito. Lalung-lalo na ang mga orasyong kung saan-saan lang nangga­ling.

Pero, ang panaginip mo ay nagsasabing, ikaw mismo ay may sa­kit o ka­ramdaman, ang ta­nong, bakit hindi ito gu­magaling? Ito ay dahil ang sakit mo ay lungkot kaya wala itong gamot, hindi tatalab ang mga orasyon at anumang me­disina na mabibili sa mga botika.

Eh, kung ganu’n, ano ang magpapagaling sa iyo? Eh, ano pa nga ba kundi ang saya, kaya mag­saya ka at makikita mo, kakaibang sigla ang mapasasaiyo.

Mahirap magsaya kapag malungkot, kaya narito ang ilang mga simpleng paraan upang maiwasan mo ito:

1. Palagi mong isuot ang paborito mong da­mit.

2. Kumain ka ng pa­borito mong pagkain.

3. Mamasyal ka sa paborito mong lugar.

4. Makipag-ugnayan ka, as in, makipagtsi­ka­han ka sa paborito mong tao.

Gawin mo ito dahil ang lungkot ay puwe­deng pagmulan ng tunay na sakit na kung tawagin ngayon ay depresyon.

Hanggang sa muli,

Professor Seigusmundo del Mundo