Rider pisak sa truck

PATAY ang 35-anyos na rider matapos magulungan at makaladkad ng trailer truck sa Caloocan City, ka­makalawa ng gabi.

Kinilala ang nasawi na si Ronald Agravante, residente ng Sitio Gitna Kaybiga, Ca­loocan City, na binawian ng buhay habang ginagamot sa Philippine Orthopedic Cen­ter, sanhi ng tinamong mga pinsala sa ulo at katawan.

Sumuko naman sa pu­lisya ang truck driver na si Jimmy Balangquit, Jr., 30, ng Talipapa, Novaliches, Que­zon City.

Sa imbestigasyon ng Caloocan Police Traffic Unit, alas-6:30 ng gabi, minamaneho ni Agravante ang motorsiko at habang binabagtas ang kahabaan ng C3 Road patungong Dagat-Dagatan Avenue, nang tang­kain nitong mag-overtake sa trailer truck.

Hindi napansin ng truck driver ang motorsiklo na nasa kanyang kanang bahagi hanggang sa mawalan ng kontrol si Agravante at tu­mama sa gutter na naging dahilan upang pumailalim ito sa trak at makaladkad nang ilang metro.

Kasong reckless impru­dence resulting in homicide ang isinampa ng pulisya kontra kay Balanquit sa Ca­loocan City Prosecutor’s Office.