Lola, dedbol sa motor

ISANG 60-anyos na lola ang nasawi habang papa­tawid sa kahabaan ng Con­gressional Road, Bgy. Sali­tran III, Dasmariñas City, Cavite, kamakalawa.

Kinilala ni Police Supt. Nerwin Ricohermoso ang biktima na si Helen Castro, 60. Bahagya namang nasu­gatan ang driver ng motor na nakasalpok sa biktima na nakilalang si Daniel Pagobo, 23, binata, waiter, residente ng Bgy. Salitran III at napag-alamang walang hawak na lisensiya.

Sa panayam kay Col. Ricohernoso, alas-11:45 ng gabi nang maganap ang insidente sa kahabaan ng Congressional Road ng na­sabing barangay kung saan tumatawid ang biktima nang mahagip ito ng motor na minamaneho ng suspek.

Pagkasalpok sa biktima, kapwa tumilapon ito kasa­bay ng pagkasemplang ng motor kaya nagkaroon din ng pinsala ang suspek.

Napuruhan sa ulo ang biktima kung saan agad naman itong naitakbo sa pagamutan subalit, hind na umabot nang buhay.