“PUWEDE BA, PAKI-AHIT ANG MAKAPAL NA BALBAS”-BUBOY

KAHAPON pa hinihiling ng kampo ni Manny Pacquiao na mag-ahit o mag-trim kahit paano si Adrien Broner ng makapal niyang balbas. Isa kasi sa mga naging isyu sa undercard press conference sa side bar ay ang balbas ng mama.

Heto ang magiging hitsura ni Adrien Broner kung mag-aahit siya.

Sinabi ni Buboy Fernandez, ang chief trainer ng Team Pacquiao na kung puwede lang sana ay bawas-bawasan o kaya ay ahitin na ni Broner ang kanyang balbas, ayon sa Philboxing.

May magandang rason si Fernandez kung bakit nire-request niya ang pag-aahit ng makapal na balbas ni Broner. Maaari raw kasing maging aksidenteng sandatang magagamit ito ni Broner. “Imagine,” sabi ni Fernandez, “during close quarter combat the beard which is so thick might accidentally poke the eyes of Pacquiao and that may result in his inability to see,” dagdag niya. ”In addition, it may serve as a cushion from Manny’s punches. Therefore, it has to go.”

Inaantabayanan pa kahapon kung may indikasyon na mag-aahit na si Broner.

“They have different rules in different places,” paliwanag pa ni Fernandez. “so we do not know if the Nevada rules will allow Broner to keep his beard, but we are hoping if he refuses, at the very least, it should be trimmed.”

Sa kabilang banda, idinagdag ni Pacman, na hindi rin naman isyu ang edad sa kanilang dalawa. “I’m so thankful to God at the age of 40 I’m still here, I keep fighting. That’s the evidence of being passionate in this sport,” ayon sa fighting Senator.

Muling sinuri ni Pinoy Jhack Tepora kahapon sa kanyang hotel room sa Las Vegas ang kanyang timbang. Siya ay 132 pounds. Hindi big deal para sa 5’6 na tulad niya sa edad 25.

Sasabak ang Cebuano sa una niyang mega boxing event ng 2019 bilang undercard ng boxing star na si Pacman sa MGM Grand Garden Arena bukas.

Ang undefeated na si Tepora (22-0, 17 KOs) ay lalaban kay dating title challenger Mexican Hugo Ruiz (37-4, 31 KOs). Ang laban nila ay para sa interim World Boxing Association featherweight championship. Ang nakakontratang timbang sa laban ay 126 pounds.

Sa iba pang bakbakan, maghaharap sina two-division champion Badou Jack at unbeaten Marcus Browne para sa Interim WBA Light Heavyweight title. Haharapin ni dating champion Rau’shee Warren si unbeaten Nordine Oubaali para sa bakanteng WBC Bantamweight World Championship.

Nagkatitigan naman ng masama at nagbulyawan pa sina dating two-division world champion Badou Jack at unbeaten contender Marcus Browne para sa WBA Interim Light Heavyweight Title.

Itatampok din sina dating champion Rau’shee Warren at unbeaten Nordine Oubaali para sa bakanteng WBC Bantamweight World Championship. (MC)