Para silang sakit na nakahahawa kaya dapat natin silang layuan... KATOTOHANAN KUNG PAANO MAIIWASAN A

Sr. Socrates Magnus II

Bigyang-daan natin nga­yon ang isa sa mga epekti­bong paraan upang magka­roon ng masaya, maligaya at makabuluhang Bagong Taon.

Masasayang ang lahat ng efforts na gagawin mo ngayong Bagong Taon kung nabubuhay ka habang nakadikit sa iyo ang mga toxic na tao. Hindi lang oras o panahon mo ang masa­sayang, puwede ring masayang ang malaking halaga ng pera sa iyong ipinupundar na negosyo kapag ang mga ito ay hindi mo nagawang alisin sa buhay mo.

Sure, alam na alam mo ang payo na lumayo ka sa tukso. Alam mo rin na mas mabuting lumayo ka sa masama at ang lumayo sa mga taong may sakit na nakahahawa, ‘di ba, alam mo na rin?

Pero, hindi lang ang mga ‘yan ang dapat mong layuan dahil dapat ka ring lumayo sa mga taong ‘toxic’.

Ang salitang “toxic” ay tu­mutukoy sa nakalalasong bagay, kaya ang mga taong ‘toxic’ ay sinasabing lason din sa buhay ng tao kaya dapat silang iwasan at layuan.

Mas magandang malaman kung sinu-sino ang mga ito para aware tayo kung paano sila la­layuan lalo na ‘yung mga hindi pa natin nakikilala?

1. Una sa listahan ay ang mga inggitero at inggitera.

2. Hindi pahuhuli ang mga tsismosa at tsismoso.

3. Humahabol pero hindi gaanong malayo ang mga taong mahilig mamintas na ang pa­laging nakikita ay ang kahinaan at kapintasan ng kanyang kapwa.

4. Hindi rin paiiwan sa una­han ang mga taong akala nila ay sila lang ang magaling at pala­ging tama.

5. Kabilang din sa listahan ang mga taong sira na ang bu­hay, sila ay nakahahawa na pa­rang may sakit na kapag hindi mo nilayuan ay masisira rin ang buhay mo.

Ito ang mga katangian ng taong sira na ang buhay:

a. Ayaw layasan ang kan­yang mahal sa buhay na ina­abuso lang siya nang paulit-ulit.

b. Kahit may minamahal na ay mahilig pa ring magha­nap ng iba na kadalasan ay hi­git pa sa dalawa ang karelasyon.

c. Tamad o ayaw magsikap na umaasa lang sa mga mala­lapit sa kanya na kapag hindi napagbigyan ay galit pa.

d. Ang mga paladaing, iya­kin at palaangal.

e. Ang sumasagot sa mata­tanda na ang pagsagot ay pa­galit o mataas at malakas ang boses.

f. Ang mga palamura.

g. Ang mga mabisyo lalo na ang mga lulong sa sugal sa casino.

h. Kasama rin sa listahan ng nakahahawa ang mga nalugi ang negosyo, nawalan ng tra­baho na ayaw nang kumilos para mapaganda pang muli ang ka­nilang kalagayan.

Huwag mong kalilimutan, tulad ng nasabi na, ang taong ‘toxic’ ay para ring sakit na nakahahawa, kaya kailangan mo silang layuan at iwasan, in short, keep distance!

Good luck and God bless!