Nalamang crush ng GF, ginulpi | GRADE 11 PATAY SA 3 KAESKUWELA

PUMANAW na ang 19-anyos na Grade 11 student na dalawang araw na-co­matose makaraang pagtulu­ngan uma­nong gulpihin ng tatlo niyang kaesku­wela sa loob ng kanilang paaralan sa Mangaldan, Pangasinan.

Nauna nang isinugod sa ospital ang biktimang si Kenneth Langit, makaraang mawalan ng malay dahil sa tinamong pananakit mula sa mga suspek na nasa kostu­diya na ng pulisya.

Kinilala ang mga sus­­pek na sina George Maramba, Jason Soriano at Jay-R Biagtan, na pawang Grade 12 students.

Batay sa imbestigasyon, palabas na ng canteen ng paaralan ang biktima nang lapitan ni Maramba at pi­nagsusuntok.

Lumaban si Langit pero, sumaklolo umano ang da­lawa pang suspek at suma­ma na sa pananakit sa bik­tima.

Nakalabas pa ng canteen ang biktima bago mawalan ng malay. Ayon sa tiyuhin ng bik­tima, lumitaw na may pag­durugo sa utak ng kanyang pamangkin.

Lumilitaw naman sa im­bestigasyon na posibleng selos ang ugat ng gulo dahil nagkakagusto umano kay Langit ang nobya ng isa sa mga suspek.

Sumuko sa pulisya sina Maramba at Soriano, ha­bang naaresto sa manhunt opera­tion si Biagtan.

Tumangging magbigay ng pahayag sina Maramba at Soriano, habang iginiit ni Biagtan na wala siyang kasa­lanan.

Nabatid na overseas Fi­lipino worker ang ina ng bik­tima.