Mag-ina tiklo sa P27-M shabu

NASA P27 milyon ha­laga ng hinihinalang shabu na nakalagay sa loob ng lata ng tomato sauce ang nasabat ng mga tauhan ng Philippine Drug Enforcement Agency sa isang mag-ina sa Navotas City, kamakalawa ng gabi.

Ayon sa ulat, tumitim­bang ng apat na kilo ang na­samsam ng mga awtoridad na iligal na droga na naka-pack sa dalawang kahon at idenilever sa isang residente sa Bgy. San Roque.

Ang package ay galing umano ng Las Vegas City sa Nevada, USA.

“After naming ma-in­tercept ang illegal drugs sa airport, nag-conduct kami ng controlled delivery para tumuluy-tuloy ang items doon sa consignee,” paha­yag ni PDEA Central Luzon Regional Director Atty. Gil Pabilona.

Kinilala ni Pabilona ang tumanggap ng naturang pack­age na si Edna Valen­zuela na inaresto ng mga awtoridad kasama ang kan­yang 22-anyos na anak na babae.

Iginiit naman ni Edna na hindi niya alam na shabu ang laman ng package at sinabi nito na inutusan lang siya ng isang kaibigan na tanggapin ang delivery at pinangakuan na makatatanggap siya ng pera bilang kaba­yaran.