House boy na nagkakagusto sa kanyang amo

Dear Roma,

Ako si PJ, 28 years old. Sa ngayon, nag­tatrabaho ako bilang houseboy dito sa Maynila kaya nagka­kagusto ako sa amo kong babae dahil sobrang bait niya sa akin. Iniisip ko, imposible namang magustuhan niya ako, kaya nais ko nang mag-resign na lang at maghanap ng bagong trabaho na tiyak na mag-aangat sa buhay ko nang sa gayun ay may mapatunayan ako kung sakaling magki­ta kaming muli. Tama ba ang gagawin ko? — PJ

PJ,

Alam mo, iho, wala namang masamang magkagusto ka dahil lahat naman tayo ay may feelings. Pero, bilib ako sa’yo dahil ginagawa mong ins­pirasyon ang nara­ramdaman mo para umasenso ang buhay mo. Naniniwala ako balang-araw na ma­giging maunlad ka, pero ipinapayo namin sa iyo na huwag ka nang umasa sa amo mo dahil marahil hindi talaga siya ang iti­nakda ng kapalaran para sa iyo, ipag­patuloy mo lang ang pagiging mabuting tao! Good luck at God bless!