Hired killer binaril sa ulo

PATAY sa dalawang tama ng bala sa ulo ang umano’y kabilang sa gun-for-hire group makaraang barilin ng hindi pa nakikilalang suspek sa Bgy. Lumingon, Tiaong, Quezon.

Batay sa report, alas-11:20 ng gabi, sakay ng tricycle si Leo Monares, 33, ng Sitio Sala, nang tambangan ng mga armadong kalalakihan.

Duguang bumagsak ang biktima saka tumakas ang mga salarin.

Inaalam pa ng mga awtoridad kung may kaugnayan sa kanyang trabaho bilang dati umanong hitman habang may nakabimbin ding dalawang kaso ng pagpatay.

Gayunman, patuloy ang pagsisiyasat at pagkalap pa ng ilang ebidensiya upang maresolba ang naturang krimen.