Bagaheng may droga na iniiwan, iba ang kukuha | BAGGAGE COUNTER NG MGA MALL AT SUPERMARKET, GAMIT SA

GAMIT na rin umano ng mga illegal drug syndicate ang mga baggage counter sa malalaking malls at super­markets.

Sa pagbubunyag ng Phi­lippine Drug Enforcement Agency (PDEA), ginagamit ang mga counter bilang da­anan ng mga bagahe na nag­lalaman ng iligal na droga para roon ibagsak at doon na rin mismo kukunin.

Sinabi ni PDEA Director General Aaron Aquino, isang tao ang aatasan para ide­posito sa baggage counter ang package ng droga.

Matapos ito ay aatasan naman ang nasabing tao na ibigay ang numero sa isa pang contact na naroon lang din sa lugar na siya namang tutubos o kukuha ng idine­positong package.

Dahil dito, sinabi ni Aqui­no na madalas na idinada­hilan ng mga naarestong drug courier na hindi alam ang la­man ng bagahe na kanilang idi­neliber at hindi rin nila ki­lala kung sino ang pinagbig­yan.

Sa ganitong pagkakata­on, aminado si Aquino na nahihirapan ang PDEA sa pag-interrogate sa mga naa­arestong suspek.

Giit pa ng opisyal na ma­halaga umano na kumpleto sa surveillance camera o CCTV sa loob ng mga mall at supermarket upang ma­padali ang pagsukol sa mga gumagawa nito.