Nueva Ecija officials nasibak sa katiwalian, hirit sa Comelec | COC NG UMALI BROTHERS, IBASURA

HINDI na makababalik sa politika si ex-Governor Aurelio ‘Oyie’ Umali ng Nueva Ecija, gayundin ang kapatid nitong si Em­manuel Anthony, na nasibak sa pu­westo dahil sa katiwalian.

Naghain ng petisyon sa Commission on Elections (Comelec) noong November 26, 2018 si Virgilio Bote, kan­didato sa pagka-go­ber­nador ng Nueva Ecija upang hili­nging ibasura ang certificate of candidacy (COC) ni Umali.

Nauna nang hinatulan ang dating gober­nador ng Office of the Ombudsman ng ‘per­petual disqualifica­tion’ dahil sa multi-million Priority Development and Assis­tance Fund (PDAF) scam na kinasasangku­tan ni Janet Lim Napoles.

Ibinasura ng Ombuds­man ang motion for reconsi­deration (MR) nito noong Sep­tem­ber 29, 2017 at pina­sasampa na sa San­diganba­yan ang kaso nito na may ka­­­akibat na parusa hanggang 40 taong pagkakakulong.

Sinampahan din ng ka­parehong petisyon ang nasi­bak na vice-mayor ng Ca­banatuan City na si Emma­nuel Anthony Umali na nag­­­hain ng kandidatura bilang bise-go­bernador.

Hiniling ni Board Mem­ber Edward Thomas Joson na kandidato rin sa pagka-bise-gobernador na ibasura ang COC ng nakababatang Umali dahil sinibak ito ng Ombudsman noong March 7, 2018 at isinilbi ng De­partment of the Interior and Local Government (DILG) ang dismissal nito bilang bise-alkalde ng Cabanatuan noong May 22, 2018 dahil sa ka­song katiwalian na may ka­akibat na parusang perpe­tual dis­qualification from holding public office.

Samantala, tatlo pang kandidato sa ilalim ng Unang Sigaw Party ang ipinadedek­larang ‘ineligible’ at ipinade-deny ang kandidatura sa Co­melec.

Ito ay sina Ramon ‘Suka’ Garcia; Gabriel Calling at Imee de Guzman.

Ang magkapatid na Umali, sina Garcia at Calling ay hinatulan ng Ombudsman ng dismissal at perpetual disqualification to hold pub­lic office dahil sa kasong ili­gal na pag-repack sa relief goods ng Department of So­­cial Welfare and Develop­ment (DSWD) na ginamit sa ka­nilang pangangampanya noong 2016 elections.

Si De Guzman, dating mayor ng Sto. Domingo ay hinatulan ng dismissal na may kaakibat na perpetual dis­qualification ng Office of the Ombudsman noong June 19, 2018 dahil sa kasong grave misconduct.