Panibagong parusa sa mga motorista, abangan!
Isasarado pala ang Rockwell Bridge sa Enero 19.
Pukawnamooo!
◘◘◘
LALONG sisikip ang trapik dahil alternatibong ruta ito patungong Mandaluyong at San Juan hanggang Quezon City mula sa Makati at Pasay.
Parusa ito sa mga motorista!
◘◘◘
KAHIT si dating MMDA Chairman Francis Tolentino ay pumapalag sa desisyong ito.
Kinumpirma ni Tolentino na malaking bagay ang Estrella-Pantaleon Bridge sa ginhawang biyahe!
◘◘◘
TUTOL si Tolentino na sirain ang naturang tulay hangga’t wala pang naitatayong bagong tulay na maaaring magamit ng mga motorista.
‘Yan ay simpleng sentido-komon na dapat pag-isipan ng mga awtoridad!
◘◘◘
IBINUNYAG na aabot sa dalawa at kalahating taon bago matapos ang konstruksiyon ng naturang tulay.
Magdurusa nang todo ang taumbayan!
◘◘◘
Sa totoo lang, noong 2011 nabuksan ang Estrella-Pantaleon o Rockwell Bridge na nagseserbisyo sa humigit-kumulang isandaang libong sasakyan kada araw.
Kumbaga, nag-aksaya ng kuwarta ng taumbayan ang mga kinauukulan.
Anubayannn?
◘◘◘
MARAMI pang proyekto ang nakaiskedyul na gawin, pero bakit hindi na lang gumawa ng dagdag na tulay bago sirain ang isang maayos at nagseserbisyo pang daanan ng mga tao?
Walang maayos na paliwanag dito ang mga awtoridad!
Comments