Shabu buking sa selda

NABISTO ng mga tauhan ng jail personnel ang nasa higit siyam na gramo ng pinaniniwalaang shabu matapos ang kanilang inspeksiyon sa Quezon District Jail, Sitio Fori, Bgy. Talipan, Pagbilao, Quezon.

Alas-9:40 ng umaga nang magsagawa ng Greyhound Operation sa pangunguna ni Jail Supt. Lorenzo Reyes.

Makalipas ang isang oras, natagpuan nila sa Dorm 17 sa kanilang palikuran ang nakatagong shabu kung saan inilagay sa ilalim ng timba.

Agad nila itong sinuri hanggang sa mapatunayang iligal na droga ang nakabalot sa plastic card. Masusi namang inaalam kung kaninong droga ang nadiskubre at paano nakakapasok sa loob ang ganitong klase ng kontrabando.