Road board, bubuwagin na!

PABOR ang mga mam­babatas sa pagbuwag sa Road Board dahil umano sa katiwa­lian sa paggamit ng pondo mula sa Motor Vehicle User’s Charge.“I support the move of President Duterte to strike down the Road Board. I think it has lost its original direction and usefulness,” pahayag ni dating Senate President Juan Ponce Enrile.

Nawala na umano ang layunin ng Road Board na alin­sunod sa Republic Act No. 8794.

“I participated in its creation when I was the chairman of the Finance Committee of the Senate. The road user tax fund under the administration and control of the road board was designed to provide the money to maintain and repair our national roads,” dagdag pa nito. Naabuso na umano ang sistema.

Samantala, handa na ang Kamara na buwagin ang Road Board oras na mag­balik-sesyon at mag-convene ang Mataas at Mababang Kapu­lungan sa bica­meral confe­rence committee sa Enero 14.

Una nang inihayag ng pangulo na nais niyang gamitin ang bilyun-bilyong pisong pondo mula sa Road User’s Tax upang matu­lungan ang mga biktima ng kalamidad.