3 pulis hinataw ng kahoy, MPD official sibak

SINIBAK ni NCRPO Director General Guillermo Eleazar ang isang opisyal ng Ma­nila Police District na unang inirek­lamo ng con­duct unbecoming of an offi­cer, grave abuse of autho­rity ng tatlong pulis ng Na­tional Capital Region Po­lice Office dahil sa pana­nakit sa kanila nang magalit matapos hindi sun­din ang utos nito na itulak ang mga deboto noong Tras­lacion.

Nasa floating status na ngayon si C/Insp. Alden Pa­nganiban, nakatalaga sa MPD-Stn. 11-Gandara PCP.

Gayunman, wala pang por­mal na rek­lamo laban kay Pangani­ban ang tatlong pulis na hindi na nagpabanggit ng mga pangalan bagama’t, pa­tuloy na ini­imbestigahan ang in­sidente. Nauna rito, alas-6:00 ng umaga, abala ang lahat sa Traslacion sa Quirino Grand­stand sa Maynila at nakata­laga sa Escolta ang tatlong pulis. Sinabi ng mga pulis mula sa Regional Per­sonnel Holding and Accoun­ting Unit at Regional Sup­port Unit ng NCRPO na pi­nagpapalo umano sila ng kahoy ng opisyal.

Hindi uma­no nila nasunod ang ilang utos ni Panganiban at nang mapikon ay bigla na lamang silang pinalo ng ka­hoy dahilan para mamaga ang kanilang mga kamay. Marami umano ang na­kakita sa gi­na­wa ng opisyal.

Nakatikim din umano ng paninigaw sa nasabing opisyal ang mga MMDA.

Nagalit umano ito nang hindi agad nasunod ang utos na alisin ang ilang ba­rikada sa Jones Bridge dahil kailangan muna nila itong ipagbigay-alam sa kanilang mga opisyal.