Bahay ng vice-mayor ni-raid, 2 patay

DALAWANG uma­no’y mga tauhan ng vice-mayor ang napatay matapos maki­pagbarilan sa pulisya sa isi­nagawang pagsalakay sa bahay ng LGU official sa Maguindanao.

Tinukoy ng Maguin­da­nao Provincial Police Office (MPPO) ang target ng search warrant ang bahay ni Datu Montawal Vice-Ma­yor Ottoh Montawal.

Si Montawal ay isa sa mga pinangalanang LGU official sa listahan ni Pangu­long Rodrigo Duterte na ka­sama sa narco-politicians.

Nabatid sa inisyal na re­port, nangyari ang shoot­out sa pagitan ng dalawang se­curity escorts ni Montawal at ng raiding team pasado alas-3:00 ng madaling-araw ng Huwebes sa labas ng ba­hay ng opisyal.

Nakatakda sanang ha­inan ng pulisya ng warrant si Montawal pero agad silang pinaputukan ng mga escort na dahilan para gumanti ang mga ito. Sugatan naman ang isang staff ni Montawal na gi­na­gamot ngayon sa ospital.

Wala naman sa kanyang bahay ang bise-alkalde nang isagawa ang operasyon.