“ISANG SUNTOK KAY PACMAN MAGMEMEME NA!” - BRONER
NANINIWALA si Adrien Broner na matatapos niya sa isang suntok lang si Manny Pacquiao at makakatulog ito. Sasagupain ng American welterweight ang tinaguriang all-time great para pag-agawan ang WBA (regular) title na hawak ni Pacman sa Enero 20.
Magbabalik si Pacquiao sa laban sa Amerika mula nang huling laban niya sa teritoryong ito noong Nobyembre 2016 at magiging ika-70 pro bout niya sa kanyang boxing career sa edad na 40.
Mas bata si Broner ng 11 taon at tinatawanan lang ang umano’y mabibilis na suntok ni Pacman. “Timing beats speed, and everybody knows I got great timing,” pagmamalaking saad ni Broner sa FightHype.“Timing beats everything, and this is just a good time for Adrien Broner and Pacquiao to fight. I’m ready physically, mentally and emotionally. I’m ready to go in there and let it all hang out. In a fight like this, it’s proven that you don’t have to throw a lot of punches to beat Manny Pacquiao. ‘I may only have to throw one, and that motherf***** will go to sleep. He been asleep before.”
Habang kumpiyansa si Broner na pababagsakin si Pacman, ganyan din ang target ng Pinoy champ, isang knockout. Matatandaang nakasikwat ng knockout win si Pacman kay Lucas Matthysse noong Hulyo sa muling pagkakataon mula sa nakaraang 10 taon na hindi niya ito nagawa pero iyan ang muli niyang balak na ipalasap kay Broner. “I am not making a prediction, but my goal is to knockout Broner,” ani Pacquiao.
Samantala, nagkita sina Pacman at Floyd Mayweather Jr., noong isang araw sa Filipino nights na idinaos sa Los Angeles sa laban ng Clippers sa NBA. Lumapit ang Pinoy sa nakaupong si Floyd sa side court at kinamayan ito.
Matatandaang bago ang labanang Mayweather at Pacquiao ay una ring nagkita ang dalawa sa isang NBA game at si Floyd ang unang lumapit at nakipagkamay kay Pacman. (MC/VA)
Comments