DILG official nag-bomb joke, nahuli

ISANG em­pleyado ng Department of Interior and Local Govern­ment ang nasa balag na alanganin matapos mag­-bomb joke sa Cuneta Astrodome sa Pasay City.

Kinilala ni Pasay City Police Chief Sr. Supt. Noel Flores, ang inarestong DILG operation Officer 7 na si Elsie Castillo, 57, ng Bgy. 177, Caloocan City.

Pormal siyang inirekla­mo ni Corporal Junalyn Un­gab, miyembro ng Presiden­tial Security Group (PSG).

Base sa ulat, sinusuri nina PO1s Shaila Gethse­mane Pascual Tamayao at Jocyleen Montero, kapwa na­katalaga sa District Per­sonnel Holding Accounting Unit ng Southern Police Dis­trict (SPD) katabi si Ungab, ang mga dala-dalang bag ng bawat dadalo sa Cu­neta As­trodome sa Pasay City, alas-11:50 ng umaga.

Nang dumating si Cas­tillo sa inspection counter, nag-bomb joke umano ito at sinabing, “Ma’am, hindi mo ba kakalkalin, may laman sa ilalim na bomba ‘yan”.

Dahil sa tinuran ng opis­yal ng DILG, agad siyang inaresto ni Ungab alinsunod sa batas na nagbabawal sa pagbibiro tungkol sa bomba at may karampatang parusa o pagkakakulong ng hang­gang limang taon.