Suspek sa pambobomba ng mall, sumuko

SUMUKO sa pu­lisya ang isa sa dalawang per­son of interest sa pambo­bomba ng isang mall sa Co­tabato City noong bisperas ng Bagong Taon.

Ayon kay Soccsksargen Regional Director Chief Supt. Eliseo Rasco, nakilala ang suspek na si Salipudin Pasandalan.

Kusa itong sumuko sa mga awtoridad makaraang makita ang kanyang larawan na kuha mula sa CCTV foot­age sa iba’t ibang balita sa telebisyon at inaakusahang nasa likod ng malagim na trahedya sa pagpapasabog sa South Seas Mall noong December 31, 2018.

Ang pa­milya umano ng suspek ang nag-udyok sa kanya na su­muko.

Gayunman, ayon kay Rasco, mariing itinanggi ni Pasandalan na sangkot siya sa pagsabog na ikinasawi ng dalawa katao at ikinasugat ng mahigit 30 katao.

Nakapiit ngayon si Pa­sandalan sa Cotabato City Police Station.

Nauna nang inilabas ng PNP ang larawan ng dala­wang kalalakihan na uma­no’y may kagagawan sa naga­nap na pagsabog sa lugar.