Suspek sa Batocabe slay, instant milyunaryo

KUNG mangyayari, ma­giging ganap na milyunaryo ang isa sa pitong sus­pek sa pagpatay kay Ako Bicol Par­tylist Represen­tative Ro­del Batocabe, na si Em­manuel Judavar.

Ayon kay Philippine Na­tional Police Chief Di­rector General Oscar Alba­yalde, posibleng mapasa­ka­may nito ang reward money na P50 million.

Sa pulong-balitaan sa Camp Crame, sinabi ni Ge­neral Al­bayalde na una uma­nong sumuko sa mga awto­ridad si Judavar at isi­niwalat nito ang lahat ng mga pang­yayari na dahilan din para mapabilis ang pag­lutas sa naturang kaso kaug­nay sa asasinasyon sa mam­babatas.

“Actually, siya ang nag-witness una kaya siya ang tatanggap ng lahat na ibi­bigay na reward, kung ka­ilanman ibibigay ‘yung re­ward na iyon, not necessarily, hindi ko alam kung para sa kanya lahat ‘yun,” pahayag ni Albayalde.

“Napakalaking halaga naman nu’n pero siya talaga ang tatanggap doon sa ibi­bigay na reward. Nagsi­mula naman kasi sa kanya lahat ‘yun. Remember ‘yung in­volvement niya was planned nu’ng August pa then, hu­miwalay siya sa grupo ni Mayor Baldo,” dagdag pa ng heneral. Giit pa ni Albayalde, wala nang kinalaman si Juda­var sa krimen dahil nang araw na iyon ay umatras na ito sa aktuwal na pananambang kung saan nabalitaan na la­mang nito na patay na ang mambabatas.

Nabatid pa na nanghingi na lamang si Judavar ng ba­lato sa grupo dahil bilang da­ting kasama sa pagpa­plano na hindi na nga lamang siya tumuloy sa operasyon at hu­miwalay na nga ito.

“Well probably dahil dati niyang kagrupo ‘yung mga iyon dahil may alam nga siya kasi ‘yung unang plano ay hindi nga natuloy tapos hu­miwalay siya. Apparently, humiwalay siya dahil may hi­nihingi na maliit na amount o halaga kay mayor pero hindi siya natulungan kaya sumama ang loob niya kay mayor at nag-umpisa rin ‘yan sa mga operative natin is because nu’ng na­kita, nalaman na meron si­lang nakuhang intelligence information na grupo ni mayor ang involved auto­matic kasi dati na nilang ka­samahan sa MIB ‘yang mga ‘yan,” saad pa ng opisyal.

Binanggit na rin ni Al­bayalde na “recommend” na si Judavar sa pagkuha sa naturang reward money tu­lad ng pag-uusap sa pagitan nila kasama si Interior Sec­retary Eduardo Año.

Samantala, naibunyag din sa kanila ni Judavar na may pinuntahan ang grupo na isang kilalang pulitiko sa Masbate upang kunin mula rito ang armas na au­tomatic Uzi sub­machine gun para ga­mitin din sa krimen.