Para mabawasan ang namamatay — Digong | DAGDAG-TAX SA YOSI AT ALAK

APRUBADO na ni Pa­ngulong Rodrigo Duterte ang panukala ng Department of Health at Department of Fin­ance na taasan ang excise tax sa produktong sigarilyo at alak.

Ayon kay Presidential Spokesman Salvador Pa­nelo, inaprubahan ang na­turang panukala sa ginanap na 33rd cabinet meeting noong Lunes ng gabi.

Layunin ng panukala na mabawasan ang mga nag­ka­kasakit at namamatay bun­sod ng mga sakit na naku­kuha sa nabanggit na mga produkto.

Gayundin, makatutu­long ang naturang panukala na pondohan ang Universal Health Care Program.

“This is a key public health measure to reduce deaths and disabilities due to tobacco and alcohol con­sumption and at the same time, a revenue mea­sure to fund the universal health care program,” ani Panelo.

Batay sa ilalim ng Tax Reform for Acceleration and Inclusion Law, magiging P40 na ang tobacco excise tax mula sa P35 sa January 1, 2022 at tataas naman ng 4 porsiyento kada taon simula January 1, 2024.