Nalalagas ang buhok

Socrates Magnus

Salaminin natin ang pa­naginip ni Mey ng Mey_ Ril_Tan@facebook.com

Dear Professor,

Itatanong ko lang kung ano ang ibig sabihin ng na­lalagas kong buhok sa panaginip?

Naghihintay,

Mey

Sa iyo Mey,

Madalas, mababasa rito sa ating kolum na Panaginip na kapag nalagas ang buhok sa panaginip, ang ibig sabihin ay humihina ang kalusugan ng nanaginip.

Akala ng iba, walang ba­sehan ang nasabing kahulu­gan, pero marahil, kaya hindi sila naniniwala ay dahil ka­pos sila sa kaalaman.

Minsan, hindi natin sila masisisi dahil may ilang nag­papanggap na dream inter­preter, pero kapos din sa ka­alaman ang mga ito kaya hin­di rin nila alam kung ano ta­laga ang kahulugan ng mga panaginip dahil ang marami sa kanila ay kinabisa lang ang mga ito o kaya ay nakuha sa internet.

Okay lang ang ganu’n da­hil marami rin ang tumatama sa kanilang sinasabi, ‘yun nga lang, hindi nila alam kung ano ang kanilang pinagsa­sabi.

Narito ang ilang kaalaman tungkol sa buhok ng tao:

1. Ang bawat tao ay isi­ni­lang na may mahigit 100, 000 hair follicles, kapag blonde ang buhok ay mga 150,000, kapag pula ay mga 90,000 at ang Pinoy na itim buhok ay mga 110, 000.

2. Nalalagas ang buhok sa bilang na 100 hanggang 124, araw-araw.

3. Ang buhok ay binu­buo ng water, keratin at lipids.

4. Ito rin ay may chemical elements na 45 % carbon, 28 % oxygen , 15 % nitrogen, 7 % hydrogen at 5% sul­phur.

Kaya madaling paniwa­la­an na ang nalalagas ang bu­hok ay kinukulang sa nasa­bing mga sangkap na nagrere­sulta sa paghina ng kalusu­gan. Halimbawa, kailangan ng tao ang oxygen dahil ka­pag kaunti lang ang oxygen sa katawan, siya ay puwe­deng magkasakit.

Ang protein ay ang pi­nag­mumulan ng lakas ng tao kaya kapag mahina o kaunti lamang ito, ang katawan ay hihina. Pero, paano malala­man ng tao na siya ay nag­kukulang sa mineral at ele­mentong kailangan ng kan­yang katawan? Dito napa­kikinabangan ang mga pa­nagi­nip dahil anumang kala­gayan ng katawan ay unang ibinaba­bala ng mga panagi­nip, kaya muli, ang panaginip na na­lalagas ang mga buhok ay nagbababala na hihina ang iyong katawan.

Hanggang sa muli,

Professor Seigusmundo del Mundo