Kahit Primetime King pa… DINGDONG, SAPAW KAY DENNIS SA SERYE SA SIYETE

Erlinda Rapadas / TEKA NGA

WALANG intensiyon si Dennis Trillo na sapawan si Dingdong Dantes sa mga eksena sa serye nilang Cain at Abel. Ginawa lang niya ang role na ibinigay sa kanya.

Kung lumutang man siya dahil sa matitinding fight scenes, ‘yun ay dahil may pagka-bad boy ang kanyang karakter sa Cain at Abel. Lagi na lang siyang napapa­subo sa away at gulo, lalo na nang mamatay ang kanyang anak na si Sam­my.

Si Dingdong, markado ang role bi­lang anak-mayaman na hindi alam na sila ni Elias (Dennis) ay magkapatid. At pareho pa nilang mamahalin ang isang babae — si Abigail (Sanya Lopez).

Well, alam ni Dennis na si Ding­dong ang klase ng taong hindi basta-basta nabubuyo sa mga isyu. Hindi ito maing­giting tao dahil napaka-secure at confident sa sarili.

Hindi sila basta mapagsa­sa­bong. Pareho naman si­lang hari in their own rights. Si Dingdong ang Primetime King ng GMA Network at si Dennis naman ang Drama King!