Sunog sumiklab sa residential area, 100 bahay tupok

NASA 100 bahay ang tinupok ng apoy sa naganap na sunog sa Mauban Street, Bgy. Manresa, Quezon City.

Nag-umpisa ang sunog alas-11:00 ng gabi ng Saba­do, habang itinaas sa ikali­mang alarma pasado alas-12:00 ng hatinggabi ng Ling­go.

Mabilis ang paglaki ng sunog dahil pawang gawa sa light materials ang mga ba­hay sa nabanggit na residen­tial area.

Tumulong na rin ang mga residente sa mga bum­bero sa pag-apula sa sunog. Kaugnay nito, lima katao ang sugatan sa insidente.

Samantala, idineklarang fire under control ang sunog ala-1:35 ng madaling-araw at fireout na bago mag-alas-3:00 ng madaling-araw.

Pansamantalang nama­malagi sa Manresa covered court ang mga apektadong residente.