Oil company na nagpapataw ng excise tax sa 2018 inventory, ipapasara

POSIBLENG ipasara ng gobyerno ang mga oil company na nagpatupad ng second tranche ng fuel ex­cise tax sa kanilang mga produk­to na bahagi pa ng kanilang 2018 inventory.

Ayon kay Department of Finance (DOF) Assistant Secretary Tony Lambino, ma­aari lamang ipatupad ng mga oil company ang excise taxes kung maubos na ang kanilang inventories mula sa nakaraang taon.

Kung hindi aniya talaga susunod ang mga oil com­pany dito, mahaharap ang mga ito sa administrative sanc­tions tulad na lamang ng pag­papasara ng negosyo o pag­bawi sa kanilang lisen­siya.

Bukod dito, maaari rin aniyang maharap ang mga ito sa criminal liabilites tulad ng estafa.

“Kung talagang hindi ka sumunod sa batas, may ad­ministrative sanctions tulad ng pagpapasara ng negosyo, pagbawi po du’n sa license,” giit ni Lambino.

“Puwede rin pong cri­minal ‘yung liabilities, tulad ng estafa. Kaya sana po ina­asahan talaga natin na lahat naman po ay susu­nod,” dag­dag pa nito.

Inabisuhan din ng na­turang opisyal ang mga mo­torista na i-report ang mga gasoline station na nagbe­benta ng produkto sa kahina-hinalang presyo. Dagdag pa ni Lambino na mahigpit din nilang bina­bantayan ngayon ang mga gasoline station.