Mula P500 | P2,000 MULTA SA ILLEGAL PARKING, START NA
MAGPAPATAW na ang Metropolitan Manila Development Authority (MMDA) ng mas mataas na multa sa illegal parking simula ngayong araw, Enero 7.
Mula sa P200, ang mga attended vehicle na mahuhuling iligal na nakaparada ay mayroon nang P1,000 multa. Mula naman sa P500, tataas na sa P2,000 ang multa ng mga mahuhuling unattended vehicle.
Maliban sa illegal parking, tinaasan din ng MMDA ang multa sa traffic obstruction sa P1,000 na dati ay nasa P150 lamang.
Maaari ring pagmultahin ang mga motorista na magpaparada sa labas ng kanilang bahay maliban sa mga nakatira sa mga pribadong subdivision.
Paliwanag ni MMDA General Manager Jojo Garcia, nagpatupad ang ilang local government unit ng ordinansa kaugnay sa one-sided parking. Gayunman, dapat umanong hindi ito ikonsidera ng mga opisyal ng barangay para gumawa ng sariling parking area.
Comments