Lola at 2 apo patay sa sunog

DEDO ang 55-anyos na lola at ang kanyang dalawang apo makaraang masunog ang kanilang bahay sa Lapu-Lapu City, Cebu, kahapon ng madaling-araw.

Nakilala ang mga bikti­ma na si Rosalinda Ar­milla at mga apo na sina De­siree Jalipot, 14, at Aaliyah Jean Inoc, 7.

Batay sa ulat, nasunog ang bahay ng mga biktima sa Joanna Homes Subdivision, Sitio Sudtonggan, Bgy. Ba­sak, pasado alas-5:00 ng madaling-araw.

Lumalabas sa inisyal na imbestigasyon na nakulong sa kanilang kuwarto sa ika­lawang palapag ang maglo­lola habang nasa kalagitnaan ng paglamon ng apoy.

Namatay ang mga bik­tima dahil umano sa suffo­cation. Agad tinupok ng apoy ang bahay ng mga biktima dahil malaking bahagi nito ay gawa sa light ma­terials.