Liquor ban para sa Traslacion, simula na

SIMULA ngayong araw, Enero 7, ipatutupad ng Na­tional Capital Region Police Office (NCRPO) ang liquor ban para sa preparasyon sa Traslacion 2019.

Ibinabala ito ni NCRPO Chief Director General Guil­lermo Eleazar kasunod ng apela sa mga nais makiisa sa prusis­yon na huwag umi­nom ng alak para makaiwas sa anu­mang hindi inaasahang insi­dente.

Epektibo ang liquor ban simula ngayong araw ng gabi hanggang sa mismong araw ng Traslacion sa Enero 9.

Inabiso rin ni General Elea­zar ang mga deboto na huwag magdala ng matutulis na gamit at iligal na bagay.

Paalala pa ng opisyal, huwag nang dalhin ng mga ma­gulang ang kanilang mga anak sa prusisyon dahil posibleng maipit sa milyun-milyong deboto ng Itim na Poong Nazareno.

Tiniyak naman ni Gene­ral Elea­zar sa publiko na magpa­pakalat ng 7,200 pulis at 2,000 sundalo para sa ligtas na pagdaraos ng nasabing kapistahan.