Bukod sa masarap itong kainin, mga lodi...TILAPIA, EPEKTIB NA PANGGAMOT SA MGA SUGAT!

Hiraya / Gulat ka 'noh?!

SA panahon nga­yon, kung anu-ano na ang puwede nating gawin sa mga pagka­in. Halimbawa, ang balat ng tilapia ay pu­wedeng gawing tila­pia sticks o kaya ay tilapia chicharon. Pero, knows ba ninyo na ang balat ng tila­pia ay keri ring ga­mitin bilang bandage para sa mga sugat at burn? Wow!

Ayon sa mga siyentipi­ko, ang paggamit ng balat ng isda, partikular na ang tilapia ay puwedeng maging alter­natibong bandage na pang­gamot sa sugat at burns.

Ang balat ng tilapia ay mayaman sa moisture at uri ng collagen na halos kapare­ho ng protein na mayroon sa balat ng tao.

Sa katunayan, nasa 300 pasyente na ang nakasubok ng treatment na ito sa iba’t ibang lugar kung saan ayon sa mga eksperto, inihaha­lintulad ng ilang pasyente, partikular ng mga bata ang balat ng tilapia sa superhero na si Aquaman.

Bagama’t, nag-aalinla­ngan ang ilang pasyente na lapatan ng balat ng isda ang kanilang sugat, marami pa ring mga batang pasyente ang du­marating sa ospital at mas gusto nilang ipalagay ang kakaibang bandage na ito.

Ayon sa mga eksperto, sumailalim sa pro­seso ng pag­­­li­linis ang balat ng isda, kaya hindi da­pat mangamba ang mga pas­yente na baka mayroong bak­­terya at malan­sang amoy ang balat ng tilapia na gagamitin sa ka­nila.

Pagkatapos ma-steri­lized ang balat, ka­ila­ngang dumaan sa radiation therapy ang tilapia skin para ma­tanggal ang virus nito, ga­yundin maaari umanong tu­magal nang dalawang taon ang tilapia skin kung ilala­gay ito sa refrigerator.

Samantala, para maga­mit ito bilang bandage, kaila­ngan itong gupitin depende sa laki ng sugat at ilagay ito sa bahagi ng katawan na ka­ilangang gamitan ng treat­ment.

Pagkatapos ng isang linggo, maaari nang tanggalin ang ginamit na tilapia skin.

Ayon sa mga pasyente na nakasubok na ng kaka­ibang treatment na ito, hindi sila gaanong nakaranas ng sakit kung ikukumpara sa tradisyunal na paraan nang panggagamot ng mga sugat.

Maliban pa rito, mas ma­tipid umano itong gamitin dahil hindi na ito kailangan pang linisan at palitan, araw-araw.

Kaya para sa mga beshy natin diyan na prone sa pag­ka­ka­roon ng sugat o paso, pero ayaw makaramdaman ng sa­kit, ito na ang solusyon ninyo para r’yan.

Gets mo?