Pulis binentahan ng droga, mag-asawa kulong

TATLONG hinihina­lang sangkot sa droga kabilang ang mag-asawa ang naaresto matapos magbenta ng shabu sa pulis sa isinagawang buy-bust operation sa Mala­bon City, kahapon ng ma­daling-araw.

Kinilala ni Malabon Po­lice Chief Senior Supt. Jes­sie Tamayao ang mga na­arestong suspek na si Randy Ordejon, 48, at kanyang asawa na si Ma­rivic, 34, kapwa ng Va­lenzuela City.

Ayon kay PO2 Jerry Basungit, alas-3:30 ng ma­daling-araw nang isa­gawa ng mga operatiba ng Station Drug Enforce­ment Unit sa pangungu­na ni Insp. Rolan­do Do­mingo ang buy-bust ope­ration kontra sa mag-asawa sa kanto ng Mac­Ar­­thur Highway at Uni­versity Ave., Bgy. Potrero.

Nagawang makabili ng isang undercover po­lice na nagpanggap na poseur-buyer ng isang plastic sachet ng shabu sa mga suspek kapalit ng marked money at nang sumenyas ito na nagka­ba­yaran na, agad lumu­sob ang back-up na mga operatiba saka sinungga­ban ang mag-asawa.

Ani Sr. Supt. Tama­­yao, narekober sa mag-asawa ang 11 heat-sealed transpa­rent plastic sachets ng shabu at buy-bust mo­ney.

Ala-1:40 naman ng ma­­daling-araw nang ma­dakip din ng nagpapatrul­yang mga tauhan ng PCP-8 si Frede­rick Camaya, 43, ng Bgy. Longos, sa Ka­dima, Bgy. Tonsuya ha­bang abala sa pagbusisi sa hawak na isang plastic sachet ng shabu.