10 yrs. old sinaksak sa dibdib ni tatay

KULONG ang 43-an­yos na ama matapos sak­sakin ang kanyang anak na babae sa Cebu City.

Nahaharap sa kasong parricide ang suspek na si Roger Amora habang gina­gamot naman sa ospital ang anak nitong si alyas Angela, 10-anyos.

Biyernes ng hapon nang tarakan sa dibdib ng tatay ang anak sa loob mismo ng kanilang bahay sa Sitio Pal­wa, Bgy. Inayawan.

Mabilis na nakahingi ng tulong ang ina ng biktima kaya nailigtas ang buhay ng bata kasabay ng agarang pag-aresto sa suspek.

Sinasabing tila wala sa tamang pag-iisip ang ama nang gawin ang krimen sa anak kung saan ang ginamit na patalim ay may habang siyam na pulgada. Mariin namang itinanggi ng suspek ang krimen.