Truck driver nahulog sa patung-patong na kahon, tigok

ISANG 47-anyos na truck driver ang nasawi maka­raang mahulog at matabunan ng tinutun­tungan nitong mga kahon na kanilang isina­sakay sa trak sa loob ng kumpan­yang pinagtatra­bahuhan sa Quezon City.

Nakilala ni Police Insp. Nick Fontanilla ang biktima na si Salvador Limbo Jumao-as, residente ng Bagong Silang, Caloocan City.

Batay sa pahayag ni Ednick Dumayawan, pahi­nante ng biktima, nangyari ang insidente alas-7:45 ng gabi sa Oriental Tin Can warehouse sa Bgy. Nagka­isang Nayon, Novaliches.

Nasa ibaba umano si Dumayawan at tinutu­lungan ang biktima na noon ay naka­tuntong sa patung-patong na kahon ng tin cans na isinasa­kay sa kanilang truck suba­lit, nawalan umano ng balanse si Jumao-as at nahulog.

Agad namang naisu­god sa Quezon City General Hospital si Jumao-as subalit, bi­nawian din ng buhay sanhi umano ng tina­mong 'severe traumatic injury' sa ulo at kata­wan.