BUDGET SA BICOL REGION, HINIMAY

HINDI binigyan ng espesyal na trato ang Casiguran sa paglalaan ng budget sa Bicol Region.

Taliwas sa ulat, Albay ang kumorner ng pinakamalaking budget sa rehiyon at hindi ang Sorsogon.

Batay sa dokumento ng DPWH, may highest allocation na P11.2 billion ang Albay; P10.5 billion sa Sorsogon; P10.2 billion sa Camarines Sur; P4.5 billion sa Masbate; P3.3 billion sa Camarines Norte at P2.5 billion sa Catanduanes.

Nauna rito, kinuwestiyon ni House Majority Leader Rolando Andaya, Jr.ang P325.11 million allocation sa flood management programs sa Casiguran at maging ang P10 billion infrastructure funding sa Sorsogon.

Ani Andaya, gumamit umano ng impluwensiya si Budget Secretary Benjamin Diokno para magkaroon ng malaking budget ang Casiguran kung saan nagsisilbing mayor ang kanyang biyenan na si Edwin Hamor at bise gobernador ang anak nito na si Ester.

Ipinagtanggol ng Malacañang si Diokno sa pagsasabing siya ay malinis at may integridad. “Mr. Diokno is known to be the ‘Mr. No’ – meaning he is a man of integrity.

So,when he says he is not involved, I believe him,” ani Presidential SpokesmanSalvador Panelo. (BRT)