Dahil sa pera… VILMANIANS NI VILMA, WATAK-WATAK NA!
MARAHIL, dahil sa kabisihan ng Star for All Seasons at congresswoman ng 6th District ng Lipa City, Batangas, hindi namamalayan ni Ms. Vilma Santos-Recto na nag-aaway-away na at nagkakawatak-watak ang grupong VSSI (Vilma Santos Solid International) na halos apat na dekada nang naitatag sa pamumuno ni Jojo Lim, ang kanilang pangulo.
Nagkaroon na nga ng breakaway group ang VSSI at nagtatag ng panibagong alyansa si Willie Fernandez na siyang pangulo ngayon ng VSFFI (Vilma Santos Fans Forever Int’l.). Sa kanilang pre-New Year gathering last December 30 sa Chef Laudico, San Juan na may motif na Filipiniana, nakausap namin ang ilang officers gaya ni Errol na ang dahilan umano kung bakit sila tumiwalag kay Jojo ay ‘pera’.
“It’s all about VSSI funds. Last time, nagbigay ng P50 K pondo si Ate Vi (palayaw ng aktres-pulitiko) pero ‘pag tinanong mo si Jojo, nagagalit. Anong klase siyang pangulo?” sumbong ni Errol sa amin.
May blessing naman daw ni Ate Vi ang bagong tatag na grupo dahil sa Christmas party ng VSFFI sa Aberdeen Court last December 22, tumawag at nakipag-phone patch pa si Ate Vi kay Willie.
“O, ano’ng sinasabi nilang hindi kami ina-acknowledge ni Ate Vi? Kinukumusta pa nga kami,” pagmamalaki pa ni Willie kay Jojo.
Sana naman, mamagitan si Ate Vi sa away ng kanyang mga fans para magkaisa silang muli.
Comments