CURRY AT DURANT, DINALE ANG SUNS SPURS, ‘DI PINAPORMA ANG CELTICS

PITONG mga manlalaro ang nag-ambag ng kani-kanilang puntos tungo sa 24-7 run upang umungos sa first half na kalamangan ang Golden State Warrios na siyang umalagwa pagdating na 2nd quarter upang maia­ngat sa panalo ang iskor laban sa Phoenix Suns, 132-109 sa NBA game kahapon.

Nagbagsak si Stephen Curry ng 34 puntos habang may 25 si Kevin Durant nang talunin ng Warriors ang Suns para sa ika-17 sunod na beses, kabilang na ang walong diretso sa Phoenix.

Nagtala si Deandre Ayton ng 25 puntos, 10 rebounds at double-double para sa Phoenix na natalo ng ikatlong diretsong laro nang buksan ang seven-game homestand.

Napaglaruan muna ng Suns ang Warriors sa halos 19 na minuto bago pa uma­lagwa si Curry ng 6 puntos, si Andre Iguodala ay may 5, si Durant ay may 4, Jonas Jerebko ay 3, si Shaun Li­vingston 2, Quinn Cook 2 at Jordan Bell 2 kung saan lahat ay umiskor sa huling 5:06 sa final time ng second period upang matulungan ang Golden State na buksan ang 69-52 sa halftime na kala­mangan.

Ang 3 puntos mula kay Cook ang naglagay sa Warriors ng 109-87 na kalama­ngan pagpasok ng 4th period. Bumanat si Curry ng tres puntos habang may 3 rin si Durant para sa Warriors na lumamang sa Suns ng 42-27 sa gilid ng court.

Dumagdag si Klay Thompson ng 15 puntos, ha­bang si Livingston at Bell ay may tig-10 bawat isa para sa Warriors na nagwagi ng ikalawang beses matapos ang dalawang sunod na pag­katalo. Ang double-double ni Ayton ay ika-23 niya nga­yong season. Nakagawa siya ng 9 sa kanyang 17 tirada. May 24 puntos si T.J. Warren, may 20 si Devin Bookier at si Kely Oubre Jr., ay may 15 para sa Suns.

Sa iba pang laro, may pinagsamang 21 puntos sina Derrick White at LaMarcus Aldridge pagdating ng third quarter nang magpaulan ang San Antonio Spurs ng 46 pun­­tos sa unang half, nagpasa­bog ng 46 sa ikatlong period upang talunin ang Boston Celtics, 120-111.

Si Aldridge ay mayka­bu­uang 32 puntos, 9 rebounds nang trumangko ang Spurs ng 12 puntos bagamat nahira­pan sila sa first half, nagdala ng ika-7 nilang sunod na home victory laban sa Cel­tics. Umiskor si Jaylen Brown ng 30 puntos na hindi pa nagwagi ang Celtics sa San An­­tonio mula pa noong Marso 2011. (ATD / MC)