Utol sinaksak ni kuya

CAGAYAN—Isang 50-anyos na lalaki ang sugatan nang saksakin ng kanyang nakatatandang kapatid, kamakalawa sa Bgy. Sta. Rosa, Abulug sa lalawigang ito.

Nakilala ang biktima na si Jonathan Apegu, samantalang, ang suspek ay ang kanyang kuya na si Jerry, 53-anyos, kapwa residente sa nasabing barangay.

Ayon sa ulat, nagkaroon ng pagtatalo ang magkapatid tungkol sa away ng kanilang mga batang anak kaya sinaksak ng suspek ang biktima.

Ginagamot na sa ospital si Jonathan, samantalang, agad nadakip ng pulisya si Jerry.