40 terorista todas sa egypt

NAPATAY ng Egyptian police ang 40 terorista sa magkakahiwalay na raid noong Sabado (local time).

Ayon sa interior ministry, 30 terorista ang napatay ng pulisya sa dalawang raid sa Giza governorate habang 10 sa North Sinai.

Agad kumilos ang awtoridad nang makatanggap sila ng impormasyon na naghahanda ang mga terorista na maglunsad ng serye ng pag-atake kontra estado at ilang institusyon sa bansa. Una rito, dalawang Vietnamese ang nasawi sa bomb attack sa Giza, Egypt noong Biyernes.